بزاف ديال الصفحات كيكتبو "السمانة كتبيض 300 بيضة فالعام" يعني 25 فالشهر. انا فاللول تيقتهم. ولكن منين بديت نربي 10 سمانات بوحدهم باش نحسب، عرفت بلي الأرقام ديال الانترنت كلها ديال المختبر، ماشي ديال السطح فتارودانت.
قررت ندير كراسة صغيرة ونكتب فيها كل نهار شحال باضو ليا، من 1 حتى 30 شتنبر. بلا غش.
اليوميات ديالي كيفما كتبتها فالكراسة
السيمانة اللولة (1-7 شتنبر): البداية مزيانة. أول نهار 8، ثاني نهار 9، ثالث نهار 7. نهار 5 و 6 الحرارة طلعات، باضو غير 5 و 4. فهمت الحرارة كتقتل البيض.
السيمانة الثانية (8-15 شتنبر): لاحظت النهار لي كنعطيهم قشور البيض مطحونة كيبيضو كتر. درت ليهم لامبة صفراء من 6 حتى 9 ديال الليل، طلع البيض من 6 حتى 10 فالنهار.
السيمانة الثالثة (16-23 شتنبر): واحد النتوه مرضات، بقات 3 أيام ما باضتش. داويتها بالزعتر فالماء وبرات.
السيمانة الرابعة (24-30 شتنبر): رجعات الأمور مزيانة، المعدل ولا ثابت بين 8 و 10 فالنهار للعشرة كاملين.
الحساب النهائي بعد 30 يوم
237
مجموع البيض لـ 10 سمانات فـ 30 يوم
23.7
معدل السمانة الواحدة فالشهر
0.79
بيضة فالنهار للسمانة الواحدة
ماشي كاملين بحال بحال - كل سمانة وشحال باضت
| السمانة | العلامة | شحال باضت فالشهر | ملاحظة |
|---|---|---|---|
| البطلة | رجل حمراء | 27 بيضة | أحسن وحدة |
| الثانية | رجل زرقاء | 26 بيضة | مزيانة |
| 3 سمانات | - | 25 بيضة | المعدل المزيان |
| 2 سمانات | - | 23 بيضة | عادية |
| 2 سمانات | - | 21 بيضة | ناقصة شوية |
| المريضة | رجل صفراء | 18 بيضة | مرضات 3 أيام |
علاش ما كتبيضش بيضة كل نهار؟
1. الحرارة: فالنهار لي كتفوت 40 درجة، نص السمان ما كيبيضش. كيبغي يبرد عاد يبيض. فتارودانت فغشت مستحيل تدي 30 بيضة.
2. الضوء: السمان خاصو 14 ساعة ضوء. فشتنبر النهار قصار، الى ما زدتيش لامبة فالعشية البيض كينقص. ملي زدت اللامبة طلع ليا بـ 30%.
3. الكالسيوم: الى ما عطيتيش قشور البيض، القشرة رقيقة وكياكلو بيضهم.
شحال ربحت من 10 سمانات فهاد الشهر؟
237 بيضة × 1.25 درهم = 296 درهم
الماكلة = 21 درهم بالخلطة الرخيصة
الربح الصافي = 275 درهم من 10 سمانات
يعني السمانة الواحدة كتدخل 27.5 درهم رباح فالشهر
237 بيضة × 1.25 درهم = 296 درهم
الماكلة = 21 درهم بالخلطة الرخيصة
الربح الصافي = 275 درهم من 10 سمانات
يعني السمانة الواحدة كتدخل 27.5 درهم رباح فالشهر
الخلاصة: الى قال ليك شي واحد السمانة كتبيض 30 فالشهر فوق السطح، راه كذب. الحقيقة هي 23 حتى 26 بيضة فالشهر للمزيانة، و 18 للعيانة.
التعليقات